9:48 م Unknown 0



الإنســــــــــــــان

ارمي الهموم و انسى اللي فات
لاتقول رماد ولا ذكريات
ولا حتى أطلال من زمن
كان في خيالنا له تمن
لكن خلاص دلوقتي مات
* * *
مالك يا انسان الزمان
إيه توهك .. والاسم هان
ضيعت ليه كل الطموح
حطمت ليه انسان زمان
انسان زمان كان له تمن
وكان بيتحدى الزمـــــن
وكان له حلم بيرســـمه
وكان بطل قبل المـحن
كان في خيالك له تمن
لكن خلاص دلوقتي مات
* * *
ما تقوللي إيه .. بقى غـيرك
غير مبادئـــــك .. مظـهرك
خلى الليالي .. تحيـــــــرك
وتوهك باسم الحـــــــــــنان
ودموع عنيك تبكي اللي كان
من حلم ضاع وسط الشجن
كان فى خيالك له تمن
لكن خلاص دلوقتي مات


قيثارة شاعر
شعر بالعامية المصرية
الطبعة الأولى
يوليو 2003 م / ربيع ثاني 1424هـ
رقم الإيداع بدار الكتب 11513/ 2003
بتاريخ 29 / 6 /2003م

نقل عن ابنه

حاتم محمد عبد الفضيل


0 التعليقات:

الاشتراك في: تعليقات الرسالة (Atom)