9:37 م Unknown 0




أرض الخيـــــــــــر

ف عز النـــــــــوم باحلم بيكي ..
لابسة توبــــك الأخضــــــــر
وماشي ف ضــــل لياليـــــــكي ..
يا أم الــــــــورد والعنبـــــر
يا بحر حنـــان .. يا شط أمــان ..
أنا ف حضنك باطيـــر واكبـر
علي شجــــــــرك بنيت عشي ..
ومن عــــودك قـــدرت أمشي
علي غصنك أنا بازقــــــــزق ..
وهايم جـــوه بساتينـــــــــك
ومهما عضمي يتدقــــــــدق ..
أنا عاشـــــق بساط نيــــــلك
ف صبحي بلاقي أحـــــــلامي ..
بتتحـــــقق علي جبيـــــــنك

ونـــــــــــــــور بيملا أيامي . .
وجــوه القلب شـــايليـــــــنك
ولاد صابحة وقاصده الخيـــر ..
وناويـــة تعلي مقـــــــــدارك
ونسمة شـــــوق شايلها الطير ..
وعمـــــده جـــــــــــوه دوارك
بيرضي أهــــــالي متخاصمة ..
ف ليلك برضه ونهـــــــــــارك
ف عز نومي أنا فاكـــــــــــــرك ..
وما أقدرشي أكــــون ناكـــرك
لأنك دم جــــــــــــــــــــــوايا ..
بيجري جـــــــــــوه ف عروقي
لأنك دم جوايا .. بيجري جوه ف عروقي


قيثارة شاعر
شعر بالعامية المصرية
الطبعة الأولى
يوليو 2003 م / ربيع ثاني 1424هـ
رقم الإيداع بدار الكتب 11513/ 2003
بتاريخ 29 / 6 /2003م
نقل عن ابنه
حاتم محمد عبدالفضيل


0 التعليقات:

الاشتراك في: تعليقات الرسالة (Atom)