9:36 م Unknown 0



شاعر ربــــــــــابـــــــة

أنا شاعــــــــــر ربابة ..
همي .. هم الغلابة
وهــــــــم الغلابة إية ؟
العيشة والهـــــــــدمة ..
النــــــــــومة واللقمة
يوم الغلابــــــــــة .. مر
وغلبهم حــــــــــــكمة
والحكمة غلابــــــــــــة ..
وأنا شاعـــــــــــر ربابة ..
باحلم مـــــــــــع ولادي ..
أبو زيــــــــــد وبغدادي ..
ومراتــــــــــي أنا سكينة ..
والبنت ياســـــــــــمينة
بلقمة تسد الجــــــــــوع
وتـــــوب ولو مرقوع
يـــــداري عورتنا
شايـــــف حوالي ..
خلق مطحونة ضهرها محني
قاعدين هنا نحـــكي
وبهمنا .. نشــــــكي ..
لقمتنا دمعتنـــــــــا ..
رسمالنــــــا وداعتنا ..
والخـــلا بيتنا ..
وظروفنا غالبـــــانا
يومنا يا خلق أتخنق
واحنا صعبنا عليه
ماليه ساعاته القلق
والحزن مالي عنيه
عايشين كده ف الطل
وفقر مالهوش حل
منه الضلوع بانت
وكرامة اتهانت ..
من العذاب والمر
هما الغلابة كده
أيام طويلة تفوت
ما يلقوا فيها القوت



قيثارة شاعر
شعر بالعامية المصرية
الطبعة الأولى
يوليو 2003 م / ربيع ثاني 1424هـ
رقم الإيداع بدار الكتب 11513/ 2003
بتاريخ 29 / 6 /2003م
نقل عن ابنه
حاتم محمد عبدالفضيل


0 التعليقات:

الاشتراك في: تعليقات الرسالة (Atom)