9:26 م Unknown 0


لملمــــــــــــــــــة

انكتم جوا يا صوت..
كأنه موت..
سكن الحشا ..
قابل هناك ..
رأيي الدفين
قاعد سجين ..
مالهوش خروج
أصل الخروج ..
معناه أبوح..
أنا بالجروح
واسمع صدا ..
جاي م الفضا
بيقول خلاص ..
مابقاش خلاص
يقدر يحرر همنا ..
واحنا يا دوب
متلملمين ..
في ركن يصرخ ..
بالحروف
جوانا خوف ..
بيهدنا
حتى الظروف ..
لطريق جهول ..
بتشدنا
وأنا ويلي ويل ..
من شكوتي ..
علي بلوتي
اللي ابتليت ..
بيها هنا ..
من كام سنة
وعمرتاه ..
مع ألف آه
سكنت ضلوعي ..
ودمعتي
سكنت ف ليلي ..
بغلبها
ودموع حزينة ..
ما عدلهاش
غير جرح ..
يكسر قلبها
كره القيود ..
قطع بإيده كبدها


قيثارة شاعر
شعر بالعامية المصرية
الطبعة الأولى
يوليو 2003 م / ربيع ثاني 1424هـ
رقم الإيداع بدار الكتب 11513/ 2003
بتاريخ 29 / 6 /2003م
نقل عن ابنه
حاتم محمد عبدالفضيل

0 التعليقات:

الاشتراك في: تعليقات الرسالة (Atom)