مجموعه نكت مصرية رووووعه ومضحكه

8:02 م Unknown 0




محشش بيتصل بالمطافى : إيه يا جماعة؟ إذا ماكانش فى حريقة ماحدش يشوفكوا !!




مرة واحد مسطول بيوقف تاكسي فسأله: فاضي ياسطى
فقال له الأسطى: ايوة فاضي
فقال له السكران طيب ماتيجي تقعد معايا شوية

مره واحد بيحشش بيقول لصاحبه امبارح جيت اسحب نفس قالوا لى ملكش رصيد



واحد سكران اتصل بمصر للطيران بيسأل الرحله من القاهره للندن ها تاخد اد ايه
فرد عليه الاستعلامات وقاله: ثانيه واحده
قال له السكران طب شكرا



واحد مسطول راح مطعم وقال لصاحب المطعم سندوتش طعمية من غير سلطة..
صاحب المطعم كمان مسطول قال له من غير سلطة ايه؟
قال له : من غير سلطة قوطة
صاحب المطعم : ماعنديش سلطة قوطة اعمله من غير سلطة طحينة؟؟؟



مرة واحد وابنه كسلانين قاعدين بياكلو فا مراته جت فخبطت فقال لابنه قوم افتح لامك
ابنه قال له: لا ماهى مراتك انت..
قال له دى امك أنت
قال له دى مراتك أنت
قال له دى امك انت
قال له لا
قال له طيب
وراح منادى على مراته و قاللها انتى طالق
وراح باصص لابنه وقال له قوم يا فالح افتح لامك بقى


واحد بلدينا اشترى موبايل، ركبله جهاز اظهار رقم الطالب



واحد معدى لقى ناس بتهيص قوى
قال لهم فيه ايه؟
قالوله فى واحد بلدياتنا عايز ينط من سطح العمارة
قالهم خلاص انا طالعله...
طلعله وقاله عايز تنتحر ليه؟
بلدياتنا قاله اصل انا غبى وكل الناس بتقول علي غبى
راح الراجل قايله هاقولك فزوره لو حلتها ماتبقاش غبى
حاجة اسمها زى شكلها
بلدياتنا : ماخبرش
الراجل:البيضة. اقولك واحدة تانية حاجتين اسمهم زى شكلهم
بلدياتنا :ماخبرش
الراجل: بيضتين.. اقولك واحدة تانية بسيطه و سهله...حاجة كبيرة وسودة وبتجيب لبن واسمها جموسة
بلدياتنا 3 بيضات
راح الراجل ماسكه وراميه




مسطول مزور ورق بنكنوت انما 10/10 و مع ذلك مسكوه ... ليه ؟
عشان كان مزور ورقة بستين جنيه

0 التعليقات:

الاشتراك في: تعليقات الرسالة (Atom)